مغاني بنات الريف
المستقلة خاص ليمنات
حنت رعود الصيف يا رب بالجود
وغيث هني يروي الظما يا معبود
الليل واساجي عيونك الليل
ملَّى البرك نربخ من نزلة الغيل
مغرب غلس هيا شنسبق السيل
مو عاد بقى لي والعمير قد راح
شن المطر على الجبيل نزل سيل
وارب سالك بالحبيب تلاطف
مطر غزير والشمس تطلع ارماح
واروحي الغالي ليتك بجمبي
بين البرد والمزن والعواصف
واروحي الغالي ليتك تراني
راعد رعد من تحت عرش ربي
واللي هجرني ما دراش مابي
بديت اغني عجعجت لساني
عجِّل بوصل الخل واكريمان
غبني على عمري سرح شبابي
وابكي شجن كل ما الشميسه غابة
كم لي عليه صابر دهور وازمان
أتخيله كل ما استوت سحابة
يا ناه على من فارقه حبيبه
إذا دعى ما آدمي يجيبه
وارحمتاه للعاشق العزوبي
حني معه يا ذي الجبال وذوبي
وافاتني قلي لموه القطاعة
خاف خالقك واسمح بربع ساعة
حسك تقول إني نسيت يا زين
وانت الذي ساكن بزوزي العين
من نهدتي يهتز مرقع البيت
كل ما تذكرتك وقلت يا ليت
ليت الحبيب يزورني معاجل
شاضيفه بالفل من سوق باجل